КОЧКОРДО АСКЕР КОМИССАРИАТТЫН ЖАҢЫ ИМАРАТЫ АЧЫЛДЫ

Кочкор райондук аскер комиссариатынын жаңы имараты ачылды.

Иш-чарага Министрлер Кабинетинин Төрагасынын орун басары – Улуттук коопсуздук мамлекеттик комитетинин төрагасы Камчыбек Ташиев, ошондой эле Коргоо министри генерал-майор Руслан Мукамбетов жана өздүк курам катышты. Мындан сырткары эмгек ардагерлери да чакырылган.

Мекеменин жаңы имаратын куруу долбоору республикалык бюджеттен каржыланып, жалпы наркы 67 млн сомду түздү.

Курулуш 2023-жылдын декабрь айында башталган.

Имараттын курулушу менен андагы кызматкерлерге баардык ыңгайлуулуктар эске алынып, акыркы үлгүдөгү материалдык-техникалык база камтыды.