Сапаров Адыл Солтоевич

Кызматы  КР Президентинин Нарын облусундагы ыйгарым укуктуу өкүлүнүн биринчи орун басары

Сапаров Адыл Солтоевич

Сапаров Адыл Солтоевич 1974-жылы 22-сентябрда Нарын облусунун Жумгал районундагы Байзак айылында туулган. 

1999-жылы Кыргыз улуттук университетин Бухгалтердик учет жана аудит адистиги боюнча аяктаган. 

Эмгек жолун 1991-1993-жылдары Жумгал районундагы Ленин атындагы колхоздо электромеханик болуп иштөө менен баштаган. 

2000-2001-жылдары Чүй облусундагы Мамлекеттик салык инспекциясынын Маалымат-аналитикалык бөлүмүндө инспектор, 2001-2004-жылдары Чүй облусундагы Октябрь райондук салык инспекциясында инспектор-стажер, инспектор, 2004-жылы ИП Б.Шадыкановдо менеджер, 2004-2005-жылдары Экономика, соода-өнөр-жай министрлигинин алдындагы монополияга каршы саясат боюнча департаментинин Бишкек шаардык башкармалыгында жетектөөчү адис, 2005-жылы “Ак-Канат” ААКда директордун орун басары, 2006-2010-жылдары Ленин райондук салык инспекциясында инспектор, ага инспектор, 2009-2016-жылдары Жумгал районундагы Байзак айыл өкмөтүнун башчысы, 2016-жылы Жумгал райондук мамлекеттик администрация башчысынын биринчи орун басары, 2016-2020-жылдары Жумгал райондук мамлекеттик администрациясынын башчысы – аким, 2020-жылдан бери Кыргыз Республикасынын Президентинин Нарын облусундагы ыйгарым укуктуу өкүлүнүн биринчи орун басары кызматтарын аркалап келет.

Мамлекеттик кызматтын 3-класстагы мамлекеттик кеңешчиси.

Кыргыз Республикасынын Өкмөтүнүн Ардак грамотасынын, Муниципалдык кызматтын, Жергиликтүү өз алдынча башкаруунун, Айыл чарбасынын мыктысы  сыйлыктарынын ээси. 

Үй-бүлөлүү, 3 баланын атасы.